شرح بالتفصيل وبشكل مبسط لقانون الاستنفاذ ومتى يصبح الطالب مستنفذ

 لطلاب الجامعات “كليات ومعاهد” بوزارة التعليم العالي في سوريا

شرح الاستنفاذ اثناء الدراسة الجامعية في الجمهورية العربية السورية
ومتى يصبح الطالب مستنفذ خارج الجامعة
اثناء الدراسة في التعليم العام – شرح قانون الاستنفاذ

سيتم شرح الاستنفاذ بالجامعة بطريقتين لتوضيح الفكرة بشكل كامل ان شاء الله




طريقة أولى
1- سنة أولى : رسبت مرتين ، استنفذت .
2- سنة تانية : رسبت بالأولى مرة وبالتانية مرتين ، استنفذت .
3- سنة تانية : ما رسبت بالأولى ورسبت بالتانية 3 مرات ، استنفذت .
4- سنة تالتة : رسبت بالأولى مرة وبالتانية مرة وبالتالتة مرة ، استنفذت .
5- سنة تالتة : ما رسبت بالأولى ورسبت بالتانية مرة وبالتالتة مرتين ، استنفذت .
6- سنة تالتة : ما رسبت بالأولى وما رسبت بالتانية بس رسبت بالتالتة 3 مرات ، استنفذت .
7- سنة رابعة : رسبت مرة وحدة قبل ما تصير رابعة ورسبت بالرابعة مرتين ، صرت خارج الجامعة .
8- سنة رابعة : رسبت مرتين قبل الرابعة ورسبت بالرابعة مرة ، صرت خارج الجامعة .
9- سنة رابعة : ما رسبت قبل الرابعة ولا مرة ورسبت بالرابعة 3 مرات ، استنفذت .





خلينا نشرحها بطريقة تانية:
1- سنة أولى : خلصت سنتين بالجامعة ولسا ما ترفعت ع التانية ، استنفذت .
2- سنة تانية : خلصت أربع سنين بالجامعة ولسا ما ترفعت ع التالتة ، استنفذت .
3- سنة تالتة : خلصت خمس سنين بالجامعة ولسا ما ترفعت ع الرابعة ، استنفذت .
4- سنة رابعة : خلصت بالجامعة ست سنوات ولسا ما تخرجت ، صرت خارج الجامعة 

5- سنة رابعة : خلصت بالجامعة 8 سنين ولسا ما تخرجت ، استنفذت .



ملاحظات:

1- الفترة اللي بتعمل فيها إيقاف تسجيل لا تحسبها من سنواتك بالجامعة .
2- الفترة اللي بتنحرم فيها (عقوبة امتحانية) لا تحسبها من سنواتك بالجامعة .
3- الفترة اللي كنت فيها مستنفذ لا تحسبها من سنواتك بالجامعة .
4- المستنفذ وخارج الجامعة بيدفع ع كل مادة بقدمها 3000 ليرة .
5- المستنفذ بس يرفع موادو ويضل معو أربع مواد فما دون ، بيترفع ع السنة التالية وبيرجع نظامي .
6- المستنفذ ما بياخد مصدقة تأجيل ، وإذا رفع موادو اللي حاملها بالفصل الأول بياخد ورقة بيان وضع انو خلص موادو (وما بعرف اذا الشعبة بتأجللو ع هي الورقة) .. وببداية السنة اللي بعدا (بس يسجل كطالب نظامي) بياخد مصدقة .
7- بالنسبة لطلاب السنة الرابعة فالفرق بين المستنفذ وخارج الجامعة انو خارج الجامعة بكون صرلو 6 سنوات بالجامعة ودخل بالسابعة ولسا ما تخرج ، أما المستنفذ بكون صرلو 8 سنوات بالجامعة ودخل بالتاسعة ولسا ما تخرج .
8- المستنفذ وخارج الجامعة ما بحقلو ينقل ولا يغير فرعو ولا يوقف تسجيلو ولا يعمل أي شي لحتى يترفع ويرجع نظامي .
9- المستنفذ وخارج الجامعة إذا كان موازي بيدفع ع كل مادة بقدمها 3000 متل ما حكينا ، وبس يرجع نظامي وقتا بيدفع قسط موازي للسنة الجديدة اللي ترفع عليها
10: المستنفذ بالتعليم العام ، بس يرجع لمقعد الدراسة يعتبر طالب موازي ويدفع رسوم التعليم الموازي